आदर्णिय टेक्सासबासी मित्रहरू सादर नमस्कार ।
सर्वप्रथम म तपाईहरू सबैले यस ग्रेटर अस्टिन नेपलिज चेम्वर अफ कमर्शको अध्यक्षको जिम्मेवारी दिनुभएकोमा हार्दिक नमन व्यक्त गर्न चाहन्छु । हामी सबैले यस GANCC अमेरिकालाई संस्थागत, सुदृढ र एकतावद्ध बनाएर लैजानका लागि तपाई सबैंको उत्तिकै सहयोगी भूमिका रहदैं आएको छ । सबैंको सक्रिय योगदानका कारण आज यस समाजलाई सफल , उर्जावान,सबैको प्रत्यक्ष सहभागिता र भविष्य बोकेको समाजको परिकल्पना गर्न सकिन्छ । मैले यो संस्थाको अध्यक्षको जिम्मेवारी बहन गर्दै गर्दा यस गरिमामा मलाई तपाईहरू टेक्सासका ब्यापारी मित्र ,समस्त कार्यसमितिका,अग्रज तथा साथिहरूबाट जुन उर्जा प्रदान भएको छ यसप्रति हार्दिक कृतज्ञता प्रकट गर्न चाहन्छु । यो एउटा अभियान हो सबैको साथले मात्र अभियानले गति लिन सक्दछ । यसका लागि म सबै टेक्सास निवासी नेपलिज ब्यापारी साथिहरूसग हातमा हात काधँमा-काधँ मिलाउदै अधि बढन चाहन्छु ।यस अभियानमा सबैले सहभागिता जनाउनुहुन र यस अभियानमा सदस्यता लिई प्रत्यक्ष रुपमा जोडिनका लागि विनम्र अनुरोध गर्दछु । तपाईहरु सबैका लागि संस्थाले आवश्यक पर्दा सकेको साथ र सहयोग गर्दै दुख सुखको सारथी बन्दै विदेशीभूमिमा कसरी आफ्नोपनको अभिभावत्व गहन गर्न सकिन्छ भन्ने हाम्रो यस संस्थाको चिन्ता र चासो रहेको हुदॅा यस अभियानमा हातेमालो गरिदिनुहुन सवैमा अनुरोध गर्दछु ।
https://gancctx.org/
संस्थाको सदस्य बन्दा हामीले प्रत्यक्ष रुपमैं आफ्ना विषयहरु को सम्वोधन गर्न सक्छौ जन्मभूमि र कर्मभूमि विचको यात्रामा हामि कोहि एक्लै यात्रा तय गर्नुपर्ने अवस्था नआओस एक अर्काको दुख र प्रगतिलाई कसरी साटासाट गर्दै सहयोगको वातावरण निर्माण गरी तपाई हामी सबैको आवश्यकता महसुस गरी हामी सबैले गर्वको अनुभूति गर्न सक्ने GANCC निर्माणमा सहयोग गरिदिनुहुन हार्दिक अपिल गर्दछु ।
सिपी पौडेल
अध्यक्ष
ग्रेटर अस्टीन नेपलिज चेम्वर अफ कर्मश
अस्टीन, टेक्सास
